(هلا 96)

– الأميرة السمراء سكة العطش الزرقاء..نهايتها. حسرة ودموع وألم .

– حلم في حلم خليهو يا عديلة النومة بتريحه.

– حلم الأماسي نسفته حمم البركان..والصفر ثابت على مر الأزمان.

– الدنيا عيد والصفر عاتي وغلييد..ماض تليد ومستقبل بعيد عن الأيد.

– كل ما أقول قربت ليك تلقاني (بادي) من الألف.

– ما يفعله الهلال في جماهيره جريمة حرب متكاملة الأركان.

– رفع مستوى الطموحات يخالف الحقائق والمنطق.

– ونهايته مثل بدايته لفة ودوران بين الأقمار و الأصفار.

– كل سنة يزيد العشم والأمل وآخر المطاف حصاده شوك ودموع وألم.

– والنشلة أحر من الجمر.

– شويعر ما راعى شعور الهلالاب ولا أيام العيد المباركة.

– هدف قيمته المادية (300) ألف دولار.. وقيمته المعنوية لا تحصى.

– خرج الهلال من بطولة الكبار ب(900) ألف دولار.

– يعني ممكن تقول عاملين صندوق (خته) مع الكاف وصرفتهم في مارس.

– كل الزوبعة والهيصة انتهت بدولارات.

– الفرق بينهم وبين رابع المجموعات (200) الف دولار.

– الكبار طبعًا دربهم براهووو.

– زكاة الأدوار والمشاركة وصلت إلى مستحقيها.

– زمان قلنا ليهم في فرق بين الوصول والحصول.

– والمشاركة والتتويج.

– والهلال خلقه الله فريق مشاركات ما عنده صفات ومميزات الأبطال.

– البطولة الحالية هي الأضعف وتفاصيلها مناسبة مع الهلال ومع ذلك فشل في الاستمرار فيها.

– فشل لأنه لا يمتلك ثقافة وشخصية الأبطال.

– كل الظروف كانت في صالحه قرعة حنينة.. وأندية تعاني فنيًا.

– ربع النهائي كان هدية من السماء.

– ونصف النهائي كان مثاليا بعد خروج بيراميدز.

– يعني بالعربي السكة كانت مفتوحة للنهائي للهلال.

– لكن مرمي الله ما بترفع.

– خسروا أمام أضعف فرق البطولة.

– فريق نصفه مصاب والنصف الآخر يعاني فنيًا.

– كل المحللين أجمعوا على سهولة مهمة الهلال وتأهله إلى النهائي.

– لكن مرمي الله ما بترفع جد جد.

– والصفر ما بتمحي .

– خرجوا على يد البركان أضعف أندية ربع النهائي ويعاني من غيابات مؤثرة.

– خروج الهلال أضاف سنة للصفر.

– لا نشمت لكن نتعامل مع منطق الأشياء.

– (96) سنة من الخواء والعواء.

– الأبطال ليها ناسا.

– والكاسات ليها ناسا.

– الأماني العذبة ما بتجيب بطولة.

– وبكرة يا قلبي الحزين تلقى السعادة (وهم يصدره محمد عبدالماجد) وإعلام الهلال.

– بكرة جات (96) مرة وما شفنا ليكم سعادة.

– بكاء محمد عبدالماجد على خروج الهلال ما فيهو جديد فخروج الأزرق أصبح عادة.

– بكاء ثابت زي فصول السنة ما بتغير ولا بتتحول.

– دايمًا دموع.

– شيلي من خاطر الفرح وعد الدموع.

– هم الفرح شافوهوا علشان يفلتروا دموعه !!.

– عاملين زي الزول خلفته بنات ومنتظر ولد.

– قدر ما يعرس يلد بت وبرضو مصر يجدد.

– في الموسم الماضي كتبنا (هلا 95).

– وزادت واحد (هلا 96).

– والزيادة ما بتقيف لحدي ما يكملوا موجات (fm).

– الصفر قدر مكتوب.

– لا بتمحي ولا بنتهي منو الحريق.

– وضاحة تعبت منكم.

– ماهو الفرق بين مشروع العليقي وكبري الدباسين ؟!.

– الاتنين وهم كبير.

– اعتزال العليقي للعمل الرياضي زي بيانات جامعة الدول العربية .

– اعتزال ثابت ومكرر.

– شهر شهرين ويرجع للمشروع والساقية تلف والتور يقع بعد المجموعات وتاني يعتزل وتاني الساقية تلف.

– العليقي ما قادر يفهم أنه الأبطال أكبر من الهلال.

– وأنه إعدادات الهلال ما بتدعم الأبطال.

– الإصدار قديم يا عليقي.

– ما فشل فيه الأرباب لن يحققه السوباط.

– الهلال مشفر ضد الإنجازات.

– من يفشل في سيكافا لن يقوى على رفع الأميرة.

– ومن يشتري بطولة ويفشل في رفع لقبها لن يحقق أي بطولة.

– طاااخ كل سنة وانتو طايرين.

– العيد عيدين.

– سؤال للسوباط متى ستغلق ملف الأبطال وتفتح ملف النخبة؟

– الملف ده كل سنة بتقفل ويتفتح.

– راجعين راجعين للنخبة والروانديين.

– الشويعر يكاكي وفريد يبيض.

– فساد الأبطال بدأ بالهلال يا عليقي.

– لا جان ولا كوليبالى الهلال طاير طوالي .

– 96 وصابرين.. فعلا نادى الصابرين .