(قمردين) للصيام الطويل !!

بقلم : بدر الدين الفاتح 

فرحة الهلالاب (بقمردين ) طبيعية وعقلانية.. فصيام (95)سنة (متتابعه )به مشقة كبيرة .

*لو ماشين بنص كلتش الجربوكس (بفوت) ..والمكنة (بتصلب).

*احسن يتعايشوا ويكفروا .. لانه مافضل ليهم حيل للقضاء .

*قمردين (معوض) بس ماحل نهائي للجفاف والنشاف .

*(95) سنة بدون عيد ..ومع ذلك نفسهم فاتحه (للقمردين).

*خالد عزالدين عمل موشحات في قمردين ..وطريقة كتابته عنه ذكرتني نكته:

ﻗﺎلوا في واحد صايم زي اخوانا ديل والصيام مجرسة وعامل فيها كلس جاء داخل البيت قال : ﺍﻧﺘﻲ ﻋﺎﺭﻓﺔ يا ﺧﺎﻟﺘﻲ ﺍﻧﺎ ﺍﻟﺼﻴﺎﻡ ﺩه ﺍﺻﻠﻮ ﻡ ﺑﺄﺛﺮ ﻓﻴﻨﻲ

ﻗﺎﻟﺖ ﻟﻴﻬﻮ : ﺍﻭﻝ ﺣﺎﺟﺔ ﺍﻣﺸﻲ ﻏﺴﻞ ﻭﺷﻚ .. ﻭﺗﺎﻧﻲ ﺣﺎﺟﺔ ﺍﻧﺎ ﺍﻣﻚ ﻡ ﺧﺎﻟﺘﻚ.. ﺗﺎﻟﺖ ﺣﺎﺟﺔ البس ﻋﺮﺍﻗﻴﻚ ﺑﺎﻟﻌﺪﻻ.. ﻭﺭﺍﺑﻊ ﺣﺎﺟﺔ ﺍﺩﻱ ﺍﺧﺘﻚ ﺷﺒﺸﺒﺎ.

*زولنا ده صورة طبق الأصل من الهلالاب .

*لابسين العراقى بالمقلوب ..وشباشب اخواتهم ويقولوا الصيام مابأثر فينا .

*كيف ما بأثر ..مسجلين (18) محترف (شباين ) ولا زينة.

*ما بأثر فيكم وتجيبوا في القمردين .

*كملتوا عريب ود ابراهيم والكلاكلة وقبلتوا على القمردين.

*صيام الهلال هو الأطول فى التاريخ استهلك فيه كل المشروبات وماعوضو .

*الآبري.. والليمون (عصر وخلط) والابري الابيض ..وسوبر ديب ..والمسيرة والتمر هندي والتبلدي.

*صيام الدهر صعب .

*صفر قرنه ماكن حير الأمهات ياردااااح .

*من زمن كرومة وسرور وزنقار .

*شرب حتى ارتوى من حقيبة الفن..وعاصر الكاشف والفلاتية وخليل فرح.

*بتتبدل محال ياغالي تتبدل ..

*مع كل محاولة بتتدقا.

*الصفر هو الحقيقة الوحيدة الثابتة في الأرض.

*الاتحاد السوفيتي اتشلع الى خمسة عشر دولة ..والصفر ثابت ثبات الجبال .

*ويوغسلافيا الى سبع دولة .

*السودان واليمن الى دولتين وليبيا حكومتين.

*نعم هو الحقيقة الوحيدة الثابتة .

*ولن تتغير .

*علشان يتحول الى رقم صحيح محتاج معادلة مثل المعادلة النووية ..تمتلكها دول بالحساب .

*فورة الأدوار الأولى وحتى المجموعات زي خريف ام جركم.

*والجركم جراد (بقلق) بالعباد والنبات وبياخذ دورة واحدة وبنتهى.. بجي جركم غيره فى الخريف التالى وتبدأ نفس القصة بذات الزوبعة والجوطة.

*ام جركم مابتاكل خريفين.

*زى جماعتنا ديل كل خريف بظهروا ويملوا الساحة و(يجركموا )ويتخارجوا.

*سبحان الله دورة جراد الجركم حدها الخريف بس واخوانا خريفهم معروف .

*الجركمة ( الحالية) باقى ليها قليل وتنتهي وتنتهي معاها جوطة كل سنة .

*ننصح المريخاب بعدم الاهتمام والتركيز في دورة (ام جركم )وينتظروا الخريف واللواري براها بتقيف .

*مولودية قص شريط الجركمة ..والايام القادمة ح يرجعوا لقفل الملفات .

*لو بتفتح عمل الشيطان ..وهم في كل سنة وفي كل مجموعة فاتحين للشيطان ضلفتين .

*حاليا اللولة اشتغلت ..لو غلب الصن ولو تعثرنا امام لبوبو .

*في كل سنة (لو) الشيطان سابقاهم.

*وبعد ده يقولوا ليك الهلال مع الكبار .

**الكبير في المنصة .

*أشهر عنوان فى تاريخ الصحافة(الهلال يغلق ملف الابطال ويركز على الممتاز ).

*عنوان ثابت مابتغير .

*ونحن منتظرين زي كل سنة بس كان تجوا من غير الجركمة .

*لفوا لفتكم وتعالوا لمحليتكم.

*الصفر مابتقهر .

متفرقات

*انسوا مارين وجهزوا للزبون .